Канаш хулинче пӗр хӗрарӑм водитель правине иличченех руль умне ӳсӗрле ларнӑ.
Ҫурҫӗр иртни пӗр сехетре патшалӑхӑн ҫул-йӗр хӑрушсӑрлӑхӗн инспекторӗсем машинӑна чарма тӑнӑ. Анчах водитель чарӑнас вырӑнне пакунлисенчен тарма тӑнӑ.
«ВАЗ» автомобиль хыҫҫӑн экипаж 20 минут ытла хӑваланӑ. Ҫӑмӑл автомашина картиш, уй тӑрӑх, ҫӑва витӗр хӑваланӑ.
Автомобиле Канаш районӗнчи Аслӑ Пикшик ялӗ патӗнче тытса чарнӑ. Руль умӗнче автошкулта вӗрентекен ӳсӗр хӗрарӑм пулнӑ. Эрех ӗҫсен вӑл руль умне мӗншӗн ларнине йӗрке хуралҫисене мӗнле ӑнлантарни пирки пӗлтермен.
Автомобиле хӑваласа ҫитсен машинӑна йӗрке хуралҫисем ятарлӑ стоянкӑна ӑсатнӑ, хӗрарӑма вара полицейски уйрӑмне лартса кайнӑ. Йӗркене пӑснӑшӑн ӑна явап тыттарӗҫ.
Паян, юпа уйӑхӗн 1-мӗшӗнче, Канаш районӗнчи Аслӑ Пикшикре культура ҫурчӗ уҫнӑ. Ҫӗнӗрен мар-ха. Пуррине тӗпрен юсаса ҫӗнетнӗ, капӑрлатнӑ, хитрелетнӗ, пуянлатнӑ хыҫҫӑн.
Юсав ӗҫне ирттерме пурӗ 25 миллион тенкӗ ытла тухса кайнӑ. Ҫуртӑн ҫивиттине пӗтӗмпех ылмаштарнӑ, хальхи вӑхӑтри алӑксемпе чӳречесем вырнаҫтарнӑ, маччасемпе урая ылмаштарнӑ. Акт залне ҫӗнӗ йышши оборудованипе сӗтел-пукан хӑтлӑх кӳреҫҫӗ.
Юсаса ҫӗнетнӗ культура ҫуртне уҫнӑ ятпа ирттернӗ уява тавралли культура ҫурчӗсенчи тата шкулсенчи пултарулӑх ушкӑнӗсем пырса ҫитнӗ. Тата, паллах, тӳре-шара саламланӑ.
+19.3 °C